09
Ots / 2012
Parisen igarotako egonaldian liburutegi ugari ezagutu nituen, eta Alforvillekoa bereziki gustatu zitzaidan. Alfortvillek 44.000 biztanle ditu. Bertako liburutegiak 94.880 liburu, 27.370 ikus-entzunezko ale, eta 150 harpidetza ditu. Azalerak 2.341 metro koadro hartzen ditu.
Alfortvilleko mediateka, leku irekia.
27
Urt / 2012
2012. urteko lehen post honetan, ezinbestean Intxaurrondoko liburutegi berria aipatu behar dizuet. Abenduan ireki genuen. Berez, lekualdaketa izan da, Gaztela kaleko liburutegiari agur esan baitiogu.
Kultur etxe berria bi solairuko eraikin batean dago kokatua udal kiroldegiarekin batera.
Aurreko liburutegiak 280 metro koadroko azalera zuen; oraingoak, berriz, 1010 metro koadro ditu. Azalera solairu bakarrean banatua dago, erdian patio bat duelarik. Patioa auzoko artistek apaindu dute berriztatutako materiala erabiliz. Irakurleak bertara atera daitezke lasaitasun bila.
Lau urtetan jardun dugu lanean egitasmo hau burutzeko, eta esan dezakegu gure sareko liburutegi onenetarikoa dela. Urgari bulegoko Patxi Gastaminza eta Jose Javier Uranga arkitektoak izan dira proiektuaren arduradunak, eta gure eskariak beti aintzakotzat hartu dituztela esan beharra dago.
Denbora horretan, liburutegiko arduraduna den Isabel Vesgak eta biok aritu gara uneoro elkarlanean: Altzari horniketa esleitzeko; haiek planoan kokatzeko; RFID irrati-frekuentzia sistema aukeratzeko, espazioak antolatzeko; dekorazioa…
04
Aza / 2011
Gaur egun bizi dugun krisialdi kontestua, eta etengabeko mehatxuak 2012 urtera begira izango ditugun murrizketak direla eta, gogora etorri zait irakurri berri dudan gertakari interesgarri bati buruzkoa. Bibliomancienne blogean agertu da, eta sare sozialek indar politikoen aurrean duten eragina azalarazten du: Toronton hiritarren mobilizazioak liburutegi publikoko itxiera agindua bertan behera uztea lortu du. Sare sozialetan oinarritu dira asmo horri bultzada emateko eta hainbat kanadiar idazleen laguntza ere izan dute, Margaret Atwoodena, besteak beste. Aipaturiko post horren izenburua da: “Torontoko liburutegi publikoek murrizketak saihesten dituzte ingurune sozialen ekositema berri batean”, 2011ko irailaren 21ean plazaratua.
20
Ira / 2011
Ongi etorri blog honetara! Gaurtik aurrera bertan liburutegiekin zer ikusia duten berriak agertuko dira: irakurketa, liburuak, teknologia berriak, gure lanbidea balioanitz bezain ezezaguna, kultur iruzkin eta saiakerak…badira urteak beste blogetan ikusimran hasi nintzenetik, batzuk irakurriz, besteak besteak bakarrik gaibegiratuz. Horrela azkenean nerea zabaltzeko kemena hartu dut. Horretarako “Tu blog paso a paso” liburua lagungarri izan zait. Ni paperaren belaunaldikoa naiz, ordenagailuz jarduten dut bainan beti liburuz inguraturik. Maite ditut eta!
Goiburuari erreparatuz, bloga pertsonala denez, Aitziber Alonso ilustratzaileari eskatu nion karikatura bat egiteko. berak egin du aurten gure liburutegi sarearen orri markagailuaren marrazkia.
