Daniel Glattauer
Ipar haizearen kontra
Alberdania eta Erein, 2011
238 orrialde. 21,50 €
ISBN 9788420406107

Daniel Glattauer (Viena, 1960) idazle austriarrak oker bidalitako e-mail batzuen ondorioz sortuko den harreman sentimentalari buruzko eleberria idatzi du. Protagonistak Emmi Rothner eta Leo Leike dira. Emmi, emakume gazte eta ezkondua, Leo, berriz, unibertsitateko irakaslea, andregaiarekin harremanak eten berria. Bien arteko amodio birtualak ez du atzera bueltarik izango, eleberrian batak besteari idazten dizkion mezuak irakurriko ditugu, batzutan oso laburrak, bestetan luzeagoak, inoiz espontaneoak eta baita sakonki landuak ere. Ipar haizearen kontra nobelaren aportazio interesgarriena harreman birtualei buruzko hausnarketa da eta idatzizko hizkuntzaren abantailak eta desabantailak emozioak adierazi nahi ditugunean.

“Ez gara inon bizi. Ez dugu adinik. Ez dugu aurpegirik. Ez dugu eguna eta gauaren artean desberdintzen. Denboratik kanpo bizi gara. (…)” 24. orld.
Gehiago irakurri

Anjel Lertxundi
Etxeko hautsa
Alberdania, 2011
241 orrialde. 18 € e-book 12,60 €
ISBN 9788498682908

Julian eta Gorka Martiarena, aita-semeak dira Anjel Lertxundik Etxeko hautsa eleberrian kontatzen duen historioaren ardatza, eta historioa horren jiran hainbat pertsonaia agertuko dira, besteak beste: Neska, Agustin tabernaria, Don Andres herriko apaiza, Katxas eta Gorritxo, ETAko kideak, eta Jesus Maravall, kazetaria. Julian eta Gorka Euskal Herriko herri txiki batean bizi dira, liburuan ez da aipatzen non eta 1972an Heinrich Böllek Literaturako Nobel Saria irabazi zuen urtean hasten da kontakizuna. Aita, Julian gaixotzen hasi da eta bitarte horretan semeak bere bizitzari buruz idatziko du, bereziki, bere ibilbide politikoari buruz. Liburuak erritmo azkarra du eta tentsioak bukaera arte irauteak oso erakargarria egiten du.

Gehiago irakurri